- 16/12/22
- თემებითემები
- 3,027
- 6,936
- დრო ფორუმზე
- 132დ 16ს 58წ
ბიორნ რკინისგვერდა — IX საუკუნის ვიკინგი მებრძოლი, შვედეთის მეფე და მუნსოს დინასტიის დამფუძნებელი, სკანდინავიური საგების მიხედვით, დანიელი კონუნგის, რაგნარ ლოდბროკის ვაჟი. მითოლოგიის თანახმად ბიორნი იყო ჭკვიანი მეზღვაური და დაუმარცხებელი მეომარი.
859 წელს ბიორნის სარდლობით ვიკინგებმა გაილაშქრეს სამხრეთის მიმართულებით და მიაღწიეს გიბრალტარის სრუტეს, საიდანაც გადავიდნენ მაროკოში, გაძარცვეს და დაარბიეს ბერბერების მიწები, 860 წელს კი ხმელთაშუა ზღვის აუზში შევიდნენ.
ცნობილია ის ფაქტი, რომ მამამისის მკვლელობის გამო, 867 წელს ბიორნი ძმებთან ერთად სათავეში ჩაუდგა დიდ წარმართულ ჯარს და ნორთუმბრიის სამეფოს დაპყრობით დაიწყო ვიკინგების 14 წლიანი გაუთავებელი თარეში დიდი ბრიტანეთის ტერიტორიაზე. მან ელა II სისხლიანი არწივის მეთოდით სიკვდილით დასაჯა.
ამის შემდეგ ბიორნმა და მისმა ძმებმა გაინაწილეს დაპყრობილი მიწები და სამეფოები დააარსეს სკანდინავიაში. ის გახდა შვედეთის კონუნგი და საფუძველი დაუდო მუნსოს დინასტიას. საგების თანახმად ბიორნის შემდეგ კონუნგის ტიტული მიიღო მისმა უფროსმა ვაჟმა, ერიკმა.