ეს ლექსი წლების წინ აქ დაიწერა, იბერიაზე... ჰოდა,მინდა დავაბრუნო...

[აქაური]

მახსოვს სისხლგამშრალი საქართველო-
ყორნებთან მეომარი არწივი...
სისხლით დაბანილი მთა და მდელო...
ნიჩბებით დაჩეხილი აპრილი...
დროშები მაგონდება მგლოვიარე,
თბილისი-მდუმარე და დაზაფრული,
ტიტების ცრემლიანი ოკეანე,
შავებში ჩაცმული გაზაფხული...
წლებმა ნაბიჯ-ნაბიჯ ჩაიარეს...
მუმლი ახვევია მუხას ბებერს...
ისევ სისხლი მოსდის ნაიარევს,
ისევ მობობოქრობს ცრემლის ღელე...
დღესაც ბოროტებას ვებრძვით ულევს,
დღესაც ქაშუეთის კვნესის ზარი,
ღმერთო,დალოცე და დაიცავი,
სამშობლო-ტკივილი და საფიცარი...

 

[Hazard]

ავტორი ?

 

[აქაური]

დამავიწყდა მიმეთითებინა,რომ ჩემს კალამს ეკუთვნის...