სპორტი სიახლეები საფეხბურთო სამყაროში

[Hazard]

დავწეროტ საფეხბურთო სიახლეები

 

[Hazard]

ცნობილი სერბი ფეხბურთელი და მწვრთნელი, სინიშა მიხაილოვიჩი 53 წლის ასაკში გარდაიცვალა.

2019 წელს სინიშა მიხაილოვიჩმა საჯაროდ განაცხადა, რომ ლეიკემია ჰქონდა. ქიმიოთერაპიის 3 ციკლის შემდეგ, მიხაილოვიჩს ძვლის ტვინის ტრანსპლანტაცია ჩაუტარდა.

მიხაილოვიჩი, როგორც მოთამაშე, თამაშობდა იუგოსლავიის „ბოროვოში“, „ვოევოდინაში“, „ცრვენა ზვეზდაში“, ამ უკანასკნელთან ერთად ის გახდა ჩემპიონთა თასისა და საკონტინენტთაშორისო თასის გამარჯვებული. ის ასევე გამოდიოდა იტალიურ „რომაში“, „სამპდორიაში“, „ლაციოსა“ და „ინტერში“. როგორც ფეხბურთელი, ის გახდა იუგოსლავიის სამგზის ჩემპიონი, იტალიის ორგზის ჩემპიონი, „ლაციოსთან“ ერთად მოიგო თასების მფლობელთა თასი და უეფას სუპერთასი

 

[Hazard]

არადა კარგად იყო თითქოა ?

 

[Hazard]

დარტყმა ქონდა მაგარი სონის ფეხბურთზე, მაგის გამო ვყიდულობდი სინიშას

 

[Hazard]

კატარის მსოფლიო ჩემპიონატზე FIFA-ს შემოსავალმა კოლოსალურ რიცხვებს მიაღწია და 2018 წლის რუსეთის მუნდიალის მაჩვენებელს გადააჭარბა.

ამის შესახებ FIFA-ს პრეზიდენტმა ჯანი ინფანტინომ განაცხადა.

„ფიფას შემოსავალი 10,5 მილიარდი დოლარია. 1 მილიარდი დოლარით მეტი, ვიდრე ოთხი წლის წინ. რაც შეეხება დასწრების მაჩვენებლებს, კატარში შეხვედრებს 3.27 მილიონი მაყურებელი დაესწრო, რუსეთში კი 3.03 მილიონი იყო.

კატარის მსოფლიო ჩემპიონატი ისტორიაში საუკეთესოა. მადლობას ვუხდი ყველას, ვინც ტურნირის ორგანიზებაში მონაწილეობდა. ცალკე გამოვყოფ მაროკოს ეროვნულ გუნდს და ვაფასებ ქალი მსაჯების მუშაობას“,

- განაცხადა ინფანტინომ.

შეგახსენებთ, რომ კატარში მუნდიალმა სტარტი 20 ნოემბერს აიღო. ფინალური მატჩი კი კვირას, 18 დეკემბერს 19:00 საათზე გაიმართება. არგენტინა საფრანგეთს დაუპირისპირდება.

 

[Hazard]

Campaign Against Living Miserably (CALM)-ის ახალი რეკლამა ყურადღების მისაქცევად სწორ დროს გამოქვეყნდა — როდესაც მსოფლიოს ყურადღება კატარში მიმდინარე მუნდიალისკენაა მიმართული. ეს კონტექსტი კიდევ უფრო ამძაფრებს ფეხბურთელ დეკლან რაისის ემოციებს, რომელიც მოედანზე „უხილავ მოწინააღმდეგეს ებრძვის“.


მთელი სიუჟეტის განმავლობაში მაყურებელს უჩვეულოდ ეჩვენება რაისის მოქმედებები — რატომ აკეთებს ამ მოძრაობებს ცარიელ სივრცეში? რატომ დაეცა, ვინ დაეჯახა? რეალურად, ეს გრძნობებისა და ემოციების ერთმანეთისთვის გაზიარების აუცილებლობაზე მიგვანიშნებს, რადგან მარტოობა მხოლოდ ფიზიკურად მარტო ყოფნას არ ნიშნავს.



ვიდეორგოლზე AMV BBDO და Seven Stones სააგენტოებმა იმუშავეს. ცხადია, რეკლამის შექმნა ტექნიკურად რთული იყო: მათ ინგლისის თამაშების კადრების ნაზავი გამოიყენეს, რაისის თამაშების კადრების დამატებით. შემდეგ კი სხვა მოთამაშეები ამოჭრეს და შესაბამისი განათება შეარჩიეს, რათა საბოლოო ეფექტი დამაჯერებელი და შემაშფოთებელი ყოფილიყო.

 

[Hazard]

„სევილიასა“ და ისკოს ურთიერთობა ხანმოკლე გამოდგა - მხარეებმა ურთიერთშეთანხმების საფუძველზე კონტრაქტი გაწყვიტეს. მან ანდალუსიურ გუნდში მხოლოდ ოთხნახევარი თვე გაატარა.



ისკოს კლუბის სპორტულ დირექტორ მონჩისთან კონფლიქტი ჰქონდა, რომელიც მას შემდეგ წარმოიშვა, რაც „სევილიადან“ მთავარი მწვრთნელი ხულენ ლოპეტეგი დაითხოვეს. ამიტომაც, 30 წლის ფეხბურთელმა ხელშეკრულების გაწყვეტა მოითხოვა.

ისკომ „სევილიას“ მაისურით 19-ჯერ ითამაშა და 1 გოლი გაიტანა. ახლა ის თავისუფალი აგენტია და უვკე დაუკავშირეს ინგლისურ „ვულვერჰემპტონს“.

ისკოს კარიერის განმავლობაში „ვალენსიაში“, „მალაგასა“ და მადრიდის „რეალში“ აქვს ნათამაშები.

 

[Hazard]

აფსუს, არადა რა ტალანტი ქონდა

 

[Hazard]

ლეო მესიმ მსოფლიოს ჩემპიონატი მოიგო და ამით ყველა კრიტიკოსს პასუხი გასცა. ბევრი ვარაუდობდა, რომ არგენტინელი სუპერვარსკვლავი სანაკრებო კარიერას დაასრულებდა, მაგრამ ასე არ მოხდა. თავად ლეოს თქმით, ის როგორც მინიმუმ კოპა ამერიკაზე აპირებს თამაშს.
ამ საკითხთან დაკავშირებით, არგენტინის ნაკრების ყოფილმა ფეხბურთელმა ხორხე ვალდანომ საკმაოდ საინტერესო განცხადება გააკეთა.
რა თქვა ვალდანომ?„არგენტინის გამარჯვებით, რა თქმა უნდა, ბედნიერი ვარ. ყველაფერი, რაც ამ მსოფლიოს ჩემპიონატზე მოხდა ძალიან სასიამოვნო იყო. დაუვიწყარი დღეები გამოვიარე. ბევრი ელოდებოდა, რომ მესი სანაკრებო კარიერას დაასრულებდა, მაგრამ ასე არ მოხდა.იცით კამერებს მიღმა რა მითხრა? დამპირდა, რომ თუ მსოფლიოს ჩემპიონი გახდებოდა, აუცილებლად ითამაშებდა 2026 წლის მუნდიალზე. ვნახავთ შეძლებს, თუ არა ლეო ამას. ფეხბურთმა გვაჩვენა, რომ 6 მსოფლიოს ჩემპიონატზე თამაში შეუძლებელია.მარადონასა და მესის შორის მსგავსება ის არის, რომ ისინი ორი გენიოსი არიან. განსხვავება ისაა, რომ მექსიკაში 86 წელს დიეგო 26 წლის იყო. ლეო კი 35 წლისაა და მას თავისი გენიოსობა და სიბრძნე უნდა გამოეჩინა.“

 

[Hazard]

„ნაპოლის“ ქართველი ფეხბურთელის, ხვიჩა კვარაცხელიას თამაშს ავტორიტეტული იტალიური გამოცემები ეხმაურებიან. Corrieredellosport-ი აღნიშნავს, რომ ნეაპოლში ქართველის თამაშით დიდ სიამოვნებას იღებენ და კლუბმა კვარაცხელია არ უნდა დათმოს. ასევე, გამოცემა სტატიას ლუჩანო სპალეტის კომენტარს ურთავს. სპალეტიმ აღნიშნა, რომ ქართველი უფრო და უფრო ხდება ლიდერი და თამაშში განსხვავებას ქმნის.
Corrieredellosport: „როცა კვარაცხელია თავისი ჩრდილიდან გამოვიდა, ტრადიციებისა და ნორმების მიხედვით დაიწყო მოქმედება, „ნაპოლი“ ზღაპრულ განზომილებას დაუბრუნდა. ჩვენ გვჭირდება კვარა აქ, მისი საოცარი ინტუიციებით, ერთი შეხებით თამაშით, საგოლე პასებითა და გიგანტური ტალანტით, ის აღმოაჩინეს საქართველოში და 10 მილიონად შეიძინეს, მისი ფენომენი მის მოძრაობებში შეისწავლეს. ნეაპოლში მისი თამაშით სიამოვნებას იღებენ და ის არ უნდა დათმონ.
მოედანზე გატარებული 1247 წუთიდან გამომდინარე, მისი თამაში მხიარული და უდარდელია. ახლა სეზონის მეორე ფაზა იწყება და „ნაპოლი“ ამისთვის ემზადება. ლუჩანო სპალეტი „ვილიარეალთან“ მატჩის შემდეგ მიცემულ ინტერვიუში აღნიშნავს, რომ ხვიჩა ლიდერია და მან ეს უფრო მეტად უნდა წარმოაჩინოს. ხვიჩას შესახებ საუბრისას სპალეტი აღნიშნავს: „თამაში სუსტად დაიწყო, მაგრამ დროის გასვლასთან ერთად ლიდერი გახდა და ჩვენ ეს გვჭირდება. ის საუკეთესო ფორმას მაქსიმალურად სწრაფად უნდა დაუბრუნდეს, რადგან ხვიჩა არის ფეხბურთელი, რომელიც თავისი ხარისხით სხვა გუნდებთან განსხვავებას ქმნის.სწორედ ამ მიზეზით დავტოვე მოედანზე მეორე ტაიმში. პირველ ტაიმზე ბევრად უკეთ ითამაშა. ხანდახან, როცა მას ბურთი არ აქვს გუნდურ თამაშში უნდა მიიღოს მონაწილეობა. კვარაცხელია ლიდერია და მან ეს უფრო მეტად უნდა წარმოაჩინოს“.
La Gazzetta dello Sport: „მას სჭირდება დრო, რომ საუკეთესო ფორმაში დაბრუნდეს, საუკეთესო თვისებები გამოავლინოს. ეს ლუჩანო სპალეტიმ კარგად იცის“.
ხვიჩა კვარაცხელიამ სერია ა-ს მიმდინარე სეზონში 12 მატჩში 6 გოლი შეაგდო და 5 საგოლე პასი შეასრულა. ასევე, ჩემპიონთა ლიგის 5 მატჩში 2 გოლითა და 3 საგოლე პასით გამოიჩინა თავი. „ლივერპულთან“ მიღებული ტრავმის შემდეგ სერია ა-ს ბოლო სამ ტურში არ უთამაშია.
ბრიტანული „თაიმსის“ ცნობით, „ნიუკასლი“ ხვიჩა კვარაცხელიას გადაბირებას გეგმავს, ხოლო იტალიური მედიის ცნობით, უახლოეს პერიოდში ნეაპოლური კლუბი ქართველ ტალანტთან ახალ კონტრაქტს გააფორმებს.

 

[Hazard]

მას შემდეგ, რაც ლაპორტა „ბარსელონაში“ დაბრუნდა, კატალონიური კლუბი ტრანსფერების კუთხით საკმაოდ აქტიურობს. გასული ზაფხულის სატრანსფერო ფანჯრის დროს, „ბლაუგრანას“ ერთ-ერთი მთავარი სამიზნე ბერნარდუ სილვა იყო, მაგრამ შესაბამისი ფინანსების ვერ მოძიების გამო პორტუგალიელი „სიტიში“ დარჩა.

ვრცელდებოდა ხმები, რომ ბარსა მას მაინც შეიძენდა, მაგრამ ყველაფერს წერტილი ესპანელი ჟურნალისტის ალფრედო მარტინესის გავრცელებულმა ინფორმაციამ დაუსვა.

ალფრედო, „ტვიტერის“ საკუთარ გვერდზე წერს, რომ „ბარსელონამ“ ბერნარდუს ვარიანტი ნამდვილად გამორიცხა. ასევე, კატალონიელები სილვასთვის არც ზაფხულში იბრძოლებენ.

El Barcelona descarta definitivamente la opción Bernardo Silva. Su momento ya pasó. No volverán por él en verano
— Alfredo Martínez (@Alfremartinezz) ბმულის სანახავად უნდა იყოთ [რეგისტრირებული ] [ავტორიზაცია]

ცნობისთვის, „ბლაუგრანა“ ახლა ნგოლო კანტესთვის იბრძვის, რომელსაც „ჩელსისთან“ ხელშეკრულება 2023 წლის ივნისში ეწურება. SPORT-ის და Relovo-ს ინფორმაციით, მხარეებს შორის წინასწარი შეთანხმება შედგა და დიდი ალბათობით ფრანგი საყრდენი ნახევარმცველი მომავალი სეზონიდან ბარსას შეუერთდება.

 

[Hazard]

უეინ რუნიმ მესისა და რონალდუს შედარებაზე ისაუბრა. ასევე ორივე მათგანსა და სხვა მოთამაშეებს შორის სხვაობასაც გაუსვა ხაზი.

„2012 წელს ტვიტერზე დავწერე: მესი საუკეთესოა ვისაც ოდესმე უთამაშია“. როცა დავინახე, რომ ის არგენტინას მსოფლიო ჩემპიონატის ფინალისკენ მიუძღოდა, რა მასტერკლასიც მან ხორვატიასთან გვიჩვენა - შემდეგ მე დავწერე: „არაფერი შეცვლილა“.

ზოგიერთმა ეს რონალდუზე თავდასხმად მიიღო, მაგრამ რაც მე ვთქვი ეს მხოლოდ სიმართლეა და სხვა არაფერი. მე დიდ პატივს ვცემ კრიშტიანუს და როდესაც ხალხი ამბობს, რომ ის საუკეთესოა, მე ვიცი, საიდანაც გამომდინარე ამბობენ ამას და პატივს ვცემ ამ აზრს. მაგრამ ჩემთვის მესი სულ სხვაა.

მესის წინააღმდეგ რამდენჯერმე ვითამაშე და ვიცი მისი უნარი ბურთის მიღებისა და დაჭერის, თამაშის კონტროლის, მეტოქესთან მისვლის, პასის და გატანის, მატჩების შედეგზე ზემოქმედების...

უბრალოდ შეუძლებელია მასთან მიახლოება. ის ყოველთვის აკონტროლებს. თუ ბურთი მის ფეხებთან არის, ის წყვეტს ყველაფერს, მათ შორის მოწინააღმდეგის გადაწყვეტილებებსაც. ადვილი არ არის, იყო მისი მოწინააღმდეგე.

გინდა წახვიდე და დაიჭირო ის, მაგრამ თუ ამას გააკეთებ, ბურთს ვერ მოიპოვებ. თქვენ შეგიძლიათ სცადოთ დარტყმა, როდესაც ის ბურთით პირდაპირ თქვენკენ მოდის, მაგრამ, როგორც წესი, მისთვის ბურთის ართმევა არ შეგიძლიათ. შენ მასზე დიდი ხარ, მაგრამ შენს ძალას მის წინააღმდეგ ვერ გამოიყენებ - ჩავი და ინიესტაც მსგავსები იყვნენ.

როცა მესი საჯარიმოს უახლოვდება, გეშინია მას ფეხის დაუდო, რადგან მას შეუძლია გაგცდეს და სახიფათო ზონაში ჯარიმას ან პენალტის დარტყმის უფლებას მიიღებს. და არის მომენტები, როდესაც ის ელოდება, არაფერს აკეთებს და სანამ რამეს მიხვდები, ის გოლებს იტანს.

განსხვავება მესის და თითქმის ნებისმიერ სხვა მოთამაშეს შორის, რომელიც დრიბლინგს აკეთებს, არის ის, რომ ლეო ყოველთვის მოძრაობს. ის ბურთით თითქმის არასდროს ჩერდება. მიდის წინ, თუ გზა გადაკეტილია, ის პასს აკეთებს, რომ შემდეგ ბურთი უკან მიიღოს.

მის წინააღმდეგ თამაშში იმდენი ენერგია უნდა დახარჯო, ეს მომაბეზრებელია. ის გჩაგრავს მანამ, სანამ ეს მისი შეჩერება თითქმის შეუძლებელი გახდება“,

- ამბობს რუნი.