სპორტი სიახლეები საფეხბურთო სამყაროში

[Hazard]

გიორგი ჩაკვეტაძე და ჯაბა კანკავა საშობაო არდადეგების შემდეგ შეუერთდნენ ბრატისლავის „სლოვანს“, რომელმაც მოსამზადებელი ეტაპი 6 იანვარს დაიწყო.
ვლადიმირ ვაისმა გუნდის ვარჯიში გასულ კვირას ფიზიკური ტესტების შემდეგ სრული დატვირთვით დაიწყო. „სლოვანი“ რუსოვეცში ვარჯიშობს და პირველივე დღიდან გუნდთან გურამ კაშია იყო, ხოლო კანკავას და ჩაკვეტაძეს მართლმადიდებლური შობის გამო სლოვაკეთში მოგვიანებით ჩასვლის უფლება მიეცათ.
„დღეში ორ-სამჯერ ვვარჯიშობთ. ამ კვირის განმავლობაში მეტ ყურადღებას ვაქცევთ ფიზმომზადებას. ჯერ არ შევდივართ უფრო კონკრეტულ საკითხებში, როგორებიცაა ტაქტიკა ან ავტომატიზმი. ეს უფრო გამძლეობისა და ძალის განვითარებას ეხება.
გუნდს შეუერთდნენ ფეხბურთელები, რომლებმაც 7 იანვარს მართლმადიდებლური შობა აღნიშნეს – ალექსანდრე ჩავრიჩი, გიორგი ჩაკვეტაძე, ჯაბა კანკავა და ივან საპონიჩი. ოთხივეს სრული ფიზიკური გამოკვლევა ჩაუტარდა. ისინი გუნდთან ერთად ვარჯიშობენ, მაგრამ უფრო ხანგრძლივი შესვენების გამო მათ ინდივიდუალურად დავტვირთავთ“, – განაცხადა „სლოვანის“ მთავარი მწვრთნელის ასისტენტმა ბორის კიტკამ, რომელიც ვლადიმირ ვაისს საქართველოს ნაკრებშიც ეხმარებოდა.
ბრატისლავის „სლოვანმა“ პირველი ამხანაგური მატჩი „ბრნოსთან“ 21 იანვარს დაგეგმა. თამაშის ჩატარების ადგილი მალე გახდება ცნობილი.

 

[Hazard]

აფსუს რა ქვეყანას ანგრევენ

 

[Hazard]

ქვილითაიამ დუბლი გაიფორმა არისის წინააღმდეგ

 

[Hazard]

მიულერს უნდა მგონი ბაიერნიდან წასვლა, ამ ზაფხულს ბევრი წავა ბაიერნიდან ვატყობ

 

[Hazard]

პარი სენ-ჟერმენმა მარკინიოსთან კონტრაქტი გაახანგრძლივა. ინფორმაცია პარიზული გუნდის ვებგვერდზე გამოჩნდა. ბრაზილიელმა ხელშეკრულებას 2028 წლის ზაფხულამდე მოაწერა ხელი.

მცველმა აღნიშნა, რომ ამაყობს პსჟ-ში თამაშით და კმაყოფილია კონტრაქტის გახანგრძლივებით. მარკინიოსმა ხაზგასმით აღნიშნა, რომ ეს მომენტი მისთვის განსაკუთრებულია და თვლის, რომ კლუბი მომავალში დიდ გამარჯვებებს შეძლებს.

ბრაზილიელი კრისტოფ გალტიეს გუნდში 2013 წლის ივლისიდან თამაშობს. პარიზელებმა ცენტრალური მცველის უფლებები რომასგან 31,4 მილიონ ევროდ იყიდეს. 22/23 სეზონში მარკინიოსს 42 მატჩი აქვს (2 გოლი, 1 საგოლე პასი).

ბრაზილიელისთვის საბაზრო ფასი 70 000 000 ევროა (მონაცემები Transfermarkt მიხედვით).

© Lampard

 

[Hazard]

ალვარო მორატას შეუძლია სურვილის შემთხვევაში კლუბი შეცვალოს. იუვენტუსისთვის და მილანი დაინტერესებული არიან მორატას დამატებით, თუმცა შესაძლოა, 30 წლის ესპანელის ტრანსფერთან დაკავშირებით პრობლემები შეექმნას. "AS"-ის ცნობით, მადრიდელები მორატას გაყიდვას სარფიანად გეგმავენ და ფორვარდის გაყიდვით კარგ ფულს ელოდებიან. ატლეტიკო იმედოვნებს, რომ მის სანაცვლოდ 35 000 000 ევროს მიიღებს.


მორატას მოქმედი კონტრაქტი ატლეტიკოსთან 2024 წელს ეწურება. მიმდინარე სეზონში ესპანელმა მადრიდის ატლეტიკოში 43 მატჩი ჩაატარა, რომელშიც 15 გოლი გაიტანა და 3 საგოლე გადაცემა გააკეთა.

Transfermarkt.de მიხედვით მორატა შეფასებულია 25 მილიონ ევროდ.

 

[Hazard]

კიმ მინ ჯეის "ნაპოლიდან" მანჩესტერ იუნაიტედში გადასვლა ფინალურ ეტაპზეა.

Il Matino-ს ცნობით, სეზონში 9 მილიონი ევროს ანაზღაურებით გრძელვადიანი კონტრაქტის გარდა, 26 წლის ფეხბურთელს მანჩესტერში სახლი გადაეცემა, რომელიც „წითელმა ეშმაკებმა“ უკვე იპოვეს.

მანამდე გავრცელდა ინფორმაცია, რომ "ნაპოლის" ხელმძღვანელები ცენტრალურ მცველთან შეთანხმების ხელახლა მოლაპარაკებას ცდილობენ, კომპენსაციის ოდენობის 65 000 000 ევროს ოდენობით დაწესებით. მოქმედი კონტრაქტის პირობები ითვალისწინებს ფეხბურთელის შეძენის შესაძლებლობას 48 მილიონ ევროდ.შეგახსენებთ,
რომ ნეაპოლიტანურ კლუბში სამხრეთ კორეელმა მცველმა მოიგო სერია A პირველივე სეზონში ფენერბახჩედან გადასვლის შემდეგ. 44 მატჩში კიმმა 2 გოლის გატანა და 2 საგოლე გადაცემა შეასრულა

 

[Hazard]

პსჟს მფლობელებს სამპდორიას შეძენა სურთო ?

 

[Hazard]

"ლივერპულის" ბრაზილიელმა გარემარბმა, 31 წლის რობერტო ფირმინომ, შესაძლოა კარიერა მადრიდის "რეალში" გააგრძელოს.

ინსაიდერის ფაბრიციო რომანოს ინფორმაციით, 31 წლის ბრაზილიელი "თეთრების" ტრანსფერების მოკლე სიაშია შესული. თუმცა, მოლაპარაკებები ამჟამად არ მიმდინარეობს. ფეხბურთელის ფიგურას მადრიდულ კლუბში განიხილავენ.

ფირმინოს კონტრაქტი ლივერპულთან ამ ზაფხულს ეწურება. მიმდინარე სეზონში ბრაზილიელმა ლივერპულის 34 მატჩში ყველა ტურნირზე 12 გოლი გაიტანა და 5 საგოლე გადაცემა გააკეთა.

 

[Hazard]

მადრიდის "რეალის" 22 წლის თავდამსხმელი ვინისიუს ჯუნიორი შესაძლოა ზაფხულის სატრანსფერო ფანჯარაზე "ჩელსის" შეუერთდეს.

/El Nacional-ის ინფორმაციით, ლონდონური გუნდის ხელმძღვანელობა ფეხბურთელთან კონტრაქტის გაფორმების შესაძლებლობას განიხილავს და მზადაა მის სანაცვლოდ 150 მილიონი ევრო გადაიხადოს.

თუ ტრანსფერი განხორციელდება, ეს იქნება ყველაზე დიდი გაყიდვა მადრიდის "რეალის" ისტორიაში. მანამდე მადრიდული გუნდის ყველაზე დიდი მოგება ფეხბურთელების გაყიდვით იყო 2018 წელს კრიშტიანუ რონალდუს იუვენტუსში 100 მილიონ ევროდ გადასვლა.

გამოცემა ასევე თვლის, რომ რასიზმი, რომელსაც ის აწყდება ლა ლიგაში, შეიძლება იყოს მნიშვნელოვანი პლუსი ბრაზილიელის პრემიერ ლიგაში გადასვლაში.

 

[Hazard]

ვიქტორ ოსიმენის სატრანსფერო საგა ჯერ არ დასრულებულა. ნიგერიელი ფორვარდი „ნაპოლისთან“ შეთანხმებას ამ დრომდე ვერ ახერხებს.
Gazzetta dello Sport-ის ცნობით, ოსიმენი ან კონტრაქტს განაახლებს ან გუნდს დაემშვიდობება.
კლუბის პრეზიდენტი აურელიო დე ლაურენტისი ოსიმენს გაუმჯობესებულ პირობებს სთავაზობს, რომლის მიხედვითაც მისი ანაზღაურება 6 მილიონი ევრო გახდება. წყარო წერს, რომ ნიგერიელი ამაზე თანახმა არ არის.
დე ლაურენტისს ფეხბურთელის 2026 წლამდე შენარჩუნება სურს, თუმცა ფინანსური პირობები ოსიმენს არ აკმაყოფილებს. მას ევროპული კლუბებისგან გაცილებით უკეთესი წინადადებები აქვს.
Gazzetta dello Sport-ი წერს, რომ თუ მხარეები ვერ შეთანხმდნენ, „ნაპოლი“ ფეხბურთელს ტრანსფერზე დააყენებს, თუმცა მისი ფასი 180 მილიონი ევრო ბევრ კლუბს აფრთხობს. ამხელა თანხის გადახდა არავის სურს.
ბოლოს გეტყვით, რომ ნიგერიელი ფორვარდის მიმართ ყველაზე დიდ ინტერესს პსჟ გამოხატავს.

პოსტი ავტომატურად გაერთიანდა: 30 ივნისი 2023

გარეთ ბეილმა მადრიდის „რეალში“ გატარებული დრო გაიხსენა და ჟურნალისტის მიერ კრიშტიანუ რონალდუზე დასმულ კითხვებს უპასუხა.
ბეილმა აღნიშნა, რომ რონალდუ ყოველთვის თავის გამოჩენაზე იყო ორიენტირებული.
- როგორი იყო რონალდუ?
„ის მწყობრში იყო. მას ჰქონდა მომენტები, როდესაც, მაგალითად, 5-0 მოვიგეთ, მან კი გოლი ვერ გაიტანა და ამის შემდეგ გასახდელში შესული ბუცებს ისროდა, ისე იქცეოდა თითქოს გაბრაზებული იყო.
მაგრამ ის კარგი ბიჭი იყო. მასთან არანაირი პრობლემა არ გვქონია“.
- როცა მან ყველა ეს ოქროს ბურთი მოიგო, გუნდს მადლობა გადაუხადა?
„დიახ, ასე მგონია, მაგრამ... კი“.
- ღიმილით თქვა ბეილმა და კამერას შეხედა.

Bale does not rate Cristiano Ronaldo like that. ბმულის სანახავად უნდა იყოთ [რეგისტრირებული ] [ავტორიზაცია]
— G (@PassedToMessi) ბმულის სანახავად უნდა იყოთ [რეგისტრირებული ] [ავტორიზაცია]

ბეილმა და რონალდუმ „რეალში“ ერთად 2013-2018 წლებში ითამაშეს და ჩემპიონთა ლიგა 4-ჯერ მოიგეს.

 

[Hazard]

მამარდა და კეინი დადოს ტუხელმა და მაგარ გუნდს შეკრავს